आपण सगळे आज अर्थार्थी आहोत नाही का? एखादी व्यक्ती देवळात जाते आणि काय मागते? सुख! आपण सुख कशात पाहतो? बँकेत बऱ्यापैकी रोकड असावी. ६ आकडी पगार असावा. सुंदर, सुशील, घरेलू वगैरे अशी बायको असावी. दोन गोंडस मुल. वेळ प्रसंगी मदतीला येणारे मित्र. एक flat. एखादा मस्त सेकण्ड होम निसर्गाच्या कुशीत... wow. आयुष्याच्या मध्यावरहि आरोग्याचा वरदहस्त. थोडक्यात काय तर सुख आणि समृद्धी. ऐश्वर्य आणि प्रसिद्धी. ह्यासाठी कुंडलीतले शुक्राचे स्थान अतिशय महत्वाचे ठरते.
अनेक प्रकारचे भोग विलास, प्रेम, सौंदर्य, संगीत, कला, सर्व प्रकारच्या सुख सुविधा, शांती, लैंगिकता, वैवाहिक सुख, शय्या सुख आणि बऱ्याच गोष्टींचे कारकत्व शुक्राकडे जाते. वृषभ आणि तुला राशीचा स्वामी शुक्र मीन राशीत उच्च आणि कन्या राशीत नीच मनाला जातो. सप्तम भावाचा कारक शुक्र स्वतः पासून सातव्या भावात पूर्ण दृष्टीने पहातो. शुक्राची दृष्टी हि शुभकारक मानली जाते. रवी व चंद्र हे शुक्राचे नैसर्गिक शत्रू असून शनी बुध हे मित्र मानले जातात तर गुरु -मंगळ यांच्याशी शुक्राचे समत्व असते.
कुंडलीत शुभ शुक्र असता स्त्री - पुरुषाचे व्यक्तिमत्व विशेष आकर्षक असते. काळेभोर सुंदर डोळे, लांब सडक केस, तेज:पुंज कांती असते. जातक धनवान आणि समृद्ध असतो. साहित्य, संगीत, कला, चित्रपट, अभिनय इ विषयात रुची आणि प्राविण्य असते. शुभ शुक्र असता जातक ऐश आरामाचे जीवन जगतो. रसिक असतो. उत्कट प्रेम संबंध असतात. मानवी शरीरात शुक्र गुप्तांगाचा, शुक्राणूचा व महिलांच्या बाबतीत प्रजनन संबंधी अवयवांचा कारक असतो. पुरुषांच्या कुंडलीत शुक्र स्त्री सुखाचा कारक असतो. शुभ शुक्र संबंधित दशा अंतर्दशा काळात जातकास अनेक संसारिक लाभ होतात. वाहन सौख्य, वस्त्रालंकार, आभूषण, मान- सन्मान, पदोन्नती, उत्साह, लक्ष्मी कृपा, कन्या संतती,
जन्म लग्न कुंडलीत शुक्र नीच राशीत, शत्रू गृही, अस्तंगत, बलहीन, स्तंभी, अशुभ ग्रह दृष्ट, पाप ग्रहाच्या युतीत, प्रतियोगात, पाप कर्तरी योगात असता अशुभ फळ देतो. वीर्यदोष, गुप्तरोग, प्रमेह, पंडुरोग, मूत्रविकार, श्वेतप्रदर, कामान्धता इ रोग निर्माण करतो.
सर्व प्रकारचे शुभ्र पदार्थ उदा. साखर, चांदी, दुध, दुग्ध पदार्थ, तांदूळ, सुगंधित द्रव्य, अत्तर, दागिने, अलंकार, मद्य, तंबाखू, सिगारेट, गोड पदार्थ, सुखोपभोगाची सर्व साधने, पडदे, तावदाने, इ शुक्राच्या अधिपत्याखाली येतात.
जन्म लग्न कुंडलीत प्रथम स्थानी शुक्र असता जातक सुंदर, दीर्घायू, मधुर बोलणारा, उत्साही, विद्वान व प्रवासाची आवड असणारा असतो. धन स्थानी शुक्र असता धनवान, रसिक, कवी मनाचा, भाग्यशाली असतो. तृतीय स्थानी शुक्र असता प्रवासाची आवड असते. चतुर्थात शुक्र जातकाला दीर्घायू, भोगी, बलवान, परोपकारी बनवतो. सुंदर गृहाची प्राप्ती होते, उत्तम गृहसौख्य लाभते, वाहन सौख्य लाभते. पंचमस्थ शुक्रामुळे जातक न्यायप्रिय, आस्तिक, सद्गुणी व प्रतिभावंत असतो. उत्तम संतती सुख लाभते. कलेत नैपुण्य येते. षष्ठ स्थानात शुक्र वैवाहिक जीवनात बिघाड निर्माण करतो. जातक मितभाषी असतो. सप्तमात शुक्रामुळे पत्नी सुंदर असते, विवाहपश्चात भाग्योदय होतो, विलासी जीवन जगतो, अष्टमस्थ शुक्र जाताकास रोगी बनवतो. जातक निर्दयी, अहंकारी, तापट, स्त्री लंपट असतो. नवम व दशम स्थानात शुक्र असता जातक सद्गुणी, धार्मिक, दयाळू, तीर्थस्थानी यात्रा करणारा असतो.
लाभस्थानात शुक्र जातकास सर्व प्रकारचे लाभ देतो.
अनिष्ट अशुभ शुक्र असल्यास खालील उपाय करता येतील.
१) उजव्या हातीच्या अनामिकेत हिरा किंवा झीर्कोन हे रत्न धारण करावे. (तज्ञ ज्योतिषास पत्रिका दाखवून मगच).
शुभम भवतु
