Marathi short story - Dustbin. कथा - डस्टबिन

"अहो ऐकले का?"

सिंक पाशी भांडी विसळता विसळता बायकोने विषय काढला. मस्त रविवारची ओली दुपार. चमचमीत कोंबडी वडे आणि चिकन वर आडवा हात मारून रविवारचा म. टा वाचत पडलो होतो. जवळच आमच्या एकुलत्या एका कन्यारत्नाची एकीकडे चित्रकला साधना चालू होती आणि दुसरीकडे टीव्हीवर दबंग पाहणे चालले होते. लेक आतापासूनच मल्टिटास्किंग का काय ते, करीत होती. म्हणजे एकाचवेळी 2-3 कामे करायची. आजकालच्या कार्पोरेट युगाचा मंत्र आहे तो. समोरच्या बिल्डिंगच्या बाल्कनीवरच्या अनधिकृत पत्र्यावर पावसाचा ताशा वाजत होता आणि ह्या पार्श्व संगीतावर बायकोने नको त्या विषयाला तोंड फोडले, त्याची सुरुवातच मुळी अशी झाली - "अहो ऐकलं का?" आता रविवारच्या म. टा मधला आवडता लेख अर्ध्यावर सोडून देणे भागच होते हे आपल्यासारख्या चाणाक्ष वाचकांच्या मनात आलेच असणार. मी शांतपणे पेपरची घडी घातली आणि बायको काय म्हणते ह्याकडे जीवाचे कान करून ऐकू लागलो. म्हटलं, "बोल." नुकतीच धुऊन झालेली भांडी निथळत ठेवत ती म्हणाली, " अहो, कालच आईचा फोन आला होता." आतापर्यंत फडक्याने हात पुसून झाले होते. उरलेलं चिकन दुसऱ्या भांड्यात काढून फ्रिज मध्ये ठेवत ती म्हणाली, "मृणालच्या संजयला म्हणे स्थळ सांगून येतायत, तर परवा एक पार्टी आली होती त्यांच्या कडे. एकुलती एक मुलगी आणि तिचे आई वडील." आता हि मृणाल म्हणजे तिची सक्खी मैत्रीण आणि संजय म्हणजे तिच्या मैत्रिणीचा सक्खा भाऊ. मी म्हटलं , " अच्छा हो का! चांगले आहे कि मग. ठरले लग्न?" मी उगाचच बायकोच्या विषयात इंटरेस्ट घेतला. (माझ्यासमोर आणखी कोणता पर्याय होता?) " काय आज कालच्या मूली!" अवघ्या 5-6 वर्षांनी लहान असलेला बायकोच्या मैत्रिणीचा भाऊ आणि आपण एकदम म्हातारे झालो? कालचे झालो? कि तिने म्हणावं काय आज कालच्या मूली. असो. मी म्हटलं, "का ग, काय झालं ?" एव्हाना पदर खोचुन झाला होता. "उगाच आपले त्यांचे जुजबी बोलणे चालू होत, संजय आणि ती नटवी , त्यांना काकूंनी दोघांना जरा बाहेर पाठवले, म्हटलं थोड्या गप्पा मारतील. एकमेकांना समजून घेण्याचा प्रयत्न करतील. थोडा मोकळेपणा मिळेल पण ह्या  गाव भवानीने प्रश्नांची सरबत्तीच केली." आतापर्यंत बायकोने दात ओठ खायचेच बाकी ठेवले होते. आपल्या संख्या मैत्रिणीच्या भावाला सांगून आलेलं स्थळ. लग्नाची बोलणी करायला आलेल्या मुलीला नटवी, गावभवानी अशी शेलकी विशेषण तिने द्यावी असा कोणता गुन्हा त्या अश्राप मुलीने केला असावा, असा साहजिक प्रश्न माझ्या मनात चटकन आला. "होल्ड होल्ड. अग झालं तरी काय? अशी एकदम उसळायला काय झालं तुला?" मी आपलं लगेच पांढर निशाण फडकावत बोललो. अर्थात ती तिच्या आईबापाची एकुलती एक लेक होती. कुठल्याही उपवर मुलीच्या मनात काही ढोबळ प्रश्न असणारच. उदा. मुलाचे वय. त्याचे शिक्षण. त्याची नोकरी. पगार. स्वतःचे घर. वगैरे वगैरे आणि ह्या गोष्टींची शहनिशा करायला काहीच हरकत नसावी शिवाय आयुष्यभराचा प्रश्न असतो आफ्टर ऑल लग्नाचा प्रश्न आहे हा. मग असा काय प्रश्न तिने विचारला कि तिकडे पार पुण्यात लागलेल्या आगीची झळ माझ्या बायको पर्यंत यावी? "अहो उसळू नको तर काय?, ती सटवी काय विचारते, बहिणीचे लग्न झाले आहे का? ती इथे कितीवेळा येते? तिचा नवरा काय करतो? कि इथेच माहेरी पडलेली असते? आता मला सांगा मृणालने तिच्या माहेरी जाऊ नये का? कधी जावे कितीवेळा जावे हे हि बया कोण ठरवणार?" बायको आपल्या सात्विक संतापाला वाट करून देत होती. "अजून लग्न व्हायचेय आणि आताच तिचे हे नखरे!" एका मुलीचा बाप म्हणून मलातरी तिचे प्रश्न एवढे चिडण्यासारखे नाही वाटले, मुलगी शिकलेली आहे. कमावती आहे. स्वतंत्र आहे. तीलाही  तिचे विचार आहेत. तिच्याही भावी वैवाहिक जीवनाची काही स्वप्न आहेत. तिचे प्रश्न मला प्रॅक्टिकल वाटले. आता हे मी अगदी मनात स्वतःशीच बोललो. "अहो ऐकताय ना?" बायकोने माझी तंद्री भंग केली. "बरोबर आहे तुझं!" " तेच तर म्हणत्ये मी, आणि कहर म्हणजे डुचकी आणखी काय विचारते माहित्ये का?" मी आपला प्रश्नार्थक चेहरा केला. " डस्टबिन कुठे ठेवणार?" मी दचकलो "डस्टबिन?" "हो नाहीतर काय? काय तिची बिशाद? डस्टबिन म्हणजे मुलाचे आई - वडील." "बापरे असं म्हणाली?" आपल्या भावी सासू -सासऱ्यांची गणना तिने कचऱ्याच्या डब्याशी करावी हे मात्र मला अजिबात पटले नाही. तिला असेही विचारता आले असते कि लग्नानंतर आपण एकत्र राहणार कि वेगळे? बर विचारले तर विचारले ते हि इतकया थेट! तोंडावर? एवढा माज? कसला माज? शिक्षणाचा? रूपाचा? नोकरीचा? "हे मात्र अतीच झालं हा". बायकोच्या चिडण्याचे कारण मला आता पटले होते. हा म्हणजे वैचारिक दहशतवाद झाला. त्या मुलीने हे बोलण्या आधी हा  नाही विचार केला कि आणखी 25-30 वर्षांनी तिचाही डस्टबिन होणार? तिच्या हि मुलं- मुलीला लग्नाची बोलणी करायला स्थळ येतील आणि हीच घटना पुन्हा रिपीट होईल? लग्न म्हणजे दोन कुटुंबाचे मिलन वगैरेकल्पना पुस्तकीच म्हणायच्या का? आजच्या ह्या तरुण पिढीचे विचार एवढे टोकाचे का झाले आहेत? कुटूंबासाठी करावयाचा त्याग, सेवाभाव वगैरे कवी कल्पनाच का? आणि मला नको तेच घडलं. बायकांना ना सवयच असते तिच्या नात्यात किंवा मित्र मैत्रिणीच्या काही घडलं कि लगेच स्वतःशी रिलेट करायचं. "आता तुम्हीच सांगा, हे बोलणं बरोबर आहे की तीच? तुमच्या आई बाबांनी मला इतका त्रास दिला, मी कधी काही बोलले?" आपली तनया आपल्याकडे लग्नानंतर 3 वर्ष होती, मी काही बोलले? सर्वांचं सर्व केलंच  ना मी?" गाडीने आता वेगळाच वळण घेतलं होत. बाथरूमला जायचे म्हणून मी उठलो " चालायचंच  ग ! तू  होतीस म्हणून निभावलं. सर्वच जणी थोडीच तुझ्या सारख्या असतात!" मी माझं पांढर निशाण अजून ऊंच फडकावत ठेवलं होत. "जरा मस्त गरम गरम आल्याचा चहा करतेस?"  दुपारचे 4 वाजले होते. बाहेर पावसाची संततधार चालूच होती. लेकीच्या चित्रातले ओले रंग आता सुकत आले होते. किचन मध्ये चहाचे आधण बायकोने केव्हाच ठेवलं होत. चहात टाकायला  तिने आलं ठेचायला घेतलं होत आणि टीव्हीवर गाणं चालू होत मैं झंडू बाम हुई, डार्लिंग तेरे लिये.

#Short_story, #marathi_katha, #katha, #story, #from_amod, #amod, #nanavare, #amodnanavare, #marathi-katha, #marathi, #Maay-marathi, #Maaymarthi, #mangya, #breakup, #love, #mangyache_break_up, #short_stories, #marathi, #short_Stories,#Dustbin, #Kachara_Kundi, #India, #Short_Story_Dustbin

KP Astrology: अपेक्षित घर मिळेल का? (Will I be able to purchase the desired home?)

                                                                      ||श्री स्वामी समर्थ ||

दिनांक - २२ / ०७ / २०१६. वेळ दुपारची. पावसाची संतत धार. कुंद वातावरण. बर्यापैकी अंधारून आलेला आसमंत. नुकतेच जेवण झाले होते, उगीचच लेकीच्या अभ्यासात डोकाऊन पाहिले, गणिताचा अभ्यास चालू होता बाईसाहेबांचा, म्हटले हा आपला प्रांत नव्हे. उगीचच वाट चुकल्यासारखे झाले. गणिताचा आणि आपला ३६ चा आकडा. आकडे पाहिले कि आपल्याला आकडी येते. आळसात पडून राहिलो नुसताच. तसा फेसबुक आणि whats up वगैरे असतातच रोज time pass साठी, पण आज त्यांचाही कंटाळा आला होता. अचानक अगदी अचानक दाराची बेल वाजली. पाहतो तर काय भर पावसात अर्धा अधिक भिजलेला माझा परम मित्र काशिनाथ माने एका हाताने छत्री सावरत आणि दुसऱ्या हाताने आपला अर्धा अधिक भिजलेला शर्ट झटकत दारात उभा. थोडा त्रासलेल्या स्वरातच त्याने विचारले "येऊ का?" मी म्हणालो, "आता हे काय विचारणे झाले का?" असे म्हणता मी दरवाजा थोडा आणखी उघडला, काशिनाथाचे थोडेसे स्थूल ध्यान अक्षरशः घरात घुसले! वय चाळीशीला आलेले. डोक्यावरचे छप्पर सुद्धा अर्धे अधिक गायब. सौनि  त्याला पाहताच चहाचे भांडे चुलीवर ठेवले (अहो चूल म्हणजे आपला gas) "काश्या, अरे आज कसे काय आठवण काढलीस? " तसा काश्या सुटला. बायकोने दिलेला पाण्याचा ग्लास, खाली ठेवत तोंड पुसत तो म्हणाला, "अबे काय सांगू तुला नान्या (अस्मादिक मित्र मंडळीत "नाना" ह्या नावाने संबोधिले जातात.) एक फाकडू साईट पहिली यार, तुझ्या त्या पेट्रोल पंपाच्या मागे." "मस्त ८६० चा एरिया. ६ व मजला. आवारात १२ माही विहीर.""हॉल मधून काय वीव्ह दिसतो यार. हिरवे गार" भरपूर प्रकाश. भरपूर हवा. लिफ्ट. ५५००/- चा रेट.""साला बिल्डर आपल्या सासर्याचा चड्डी आहे (मध्येच त्याने जीभ चावल्याचे मी पाहिले. बायकोचे पण लक्ष नव्हते म्हणा. ती आत किचन मध्ये आलं ठेचत होती.) सगळ मिळून ४९ -५० पर्यंत जाईल." "पण एक झोल आहे नान्या, सेकण्ड सेल आहे. आता मी घेणार म्हणजे माझा आत्ताचा विकला गेला पाहिजे, समोरची पार्टी थांबली पाहिजे यार". "तू तुझे ते पंचांग बघून बोल ना, काम होईल का?" एका दमात काशिनाथ उर्फ काश्याने त्याच्या येण्याचे प्रयोजन माझ्यासमोर कथन केले. काही महिन्यापासून आमचा हा गडी नवीन घराच्या शोधात होताच, पण एकूण त्याच्या ह्या गोष्टीवरून तरी त्याला हि साईट खूप आवडल्याचे समजले. तेवढ्यात मंडळींनी आम्हा दोघांसाठी गरम गरम आल्याचा चहा आणून दिला. अहाहा अशा अवचित पावसाळी दुपारी वाफाळलेला चहा समोर आला कि तबियत एकदम खुश होणार नाही कि काय! मी म्हणालो काश्याला, ठीक आहे बघूया. तू चहा घे आधी. मस्त पैकी भुरके मारत आमचे चहापान चालू झाले. चहा घेता घेता जवळच्या पिशवीतून डेरीमिल्क काढत त्याने माझ्या लेकीसमोर धरले. बाईंची कळी एकदम खुलली. तिने काशिनाथ काकाचे आभार मानत ते डेरीमिल्क स्वीकारले. दुसरीकडे मी माझा संगणक सुरु केला. पंचांग काढले आणि मनात नियमांची जुळवा जुळव करू लागलो. 

संपलेल्या चहाचा कप खाली ठेवत काश्या म्हणाला "बोला ज्योतिषी बुवा काय करायचे?" मी त्याला लगेच दाबले, खोट्या रागात त्याला म्हणालो, " काश्या, गधड्या, मी काही ज्योतिषी बुवा बिवा नाहीये काय! उगाच नसती विशेषण लाऊ नकोस." "Its my hobby man! " तसा तो वरमला. "नान्या बघ यार कुछ हो पायेगा क्या?" 

मी त्याला म्हणालो, "मला अपेक्षित घर मिळेल काय?" असा मनात प्रश्न धर आणि एक random नंबर दे.

त्याने दिलेला नंबर आणि प्रश्न कुंडली ह्यावरून मी त्याला सांगितले, " माफ कर मित्रा, ह्या भानगडीत तू न पडलेलं बर, "Look for another site, This seems not your cup of tea" माहित नाही पण त्याला जणूकाही हेच उत्तर अपेक्षित होत. "म्हsss No problem Nanya, better I'll look for another site." तो विषय तिथेच संपला... जुन्या मित्राच्या सहवासात, ती दुपार छान गेली. शाळा कॉलेजच्या त्या रम्य आठवणी, आणि आता चाळीशी पर्यंत आलेली आपली गाडी.. अभी तो बहुत और आगे जाना है | मी त्याला ह्या सौद्या पासून दूर राहायला का सांगितलं? चला पाहूया. 

मला अपेक्षित घर मिळेल का? 

दिनांक : २२/०७/२०१६ 

वेळ : १५:४८

के पी # ८२

स्थळ : वसई 

१) वास्तू संबंधी प्रश्न पाहताना चतुर्थाच्या उपनक्षत्र स्वामी व तो ज्या ग्रहाच्या नक्षत्रात आहे तो ग्रह विचारात घ्यावा.

२) प्रश्न जर ठराविक वास्तू संबंधी असेल तर चातुर्थाचा उपनक्षत्र स्वामी मार्गी ग्रहाच्या नक्षत्रात असून त्याचा नक्षत्र स्वामी व तो यापैकी काही एक स्थिर राशीत असावा तसेच चतुर्थ स्थान किंवा लाभ स्थानाचा कार्येश असावा. सदर प्रश्न कुंडलीत चतुर्थ स्थानाचा उपनक्षत्र स्वामी बुध असून कर्क ह्या चर राशीत आहे. तसेच तो तृतीय आणि व्यय स्थानाचा कार्येश होत होता. तृतीय म्हणजे चतुर्थाचे व्यय स्थान that means  तोटा. त्याचा नक्षत्र स्वामी रवी देखील कर्क राशीत म्हणजे विषयच संपला. So, it shows that the luck is not in favor.  उगाच हात दाखवून अवलक्षण कशाला? ४० - ५० लाखाची investment  करायची म्हणजे, ज्योतिषाचा सल्ला घ्यावा ह्या मताचा मी आहे. माझा व्यक्तिगत अनुभव अत्यंत तापदायक होता,जेव्हा मी घर खरेदी केले होते. साधारण २ वर्षापूर्वी. तेव्हा मी ज्योतिष शास्त्राचा उपयोग नव्हता केला. Had I known that these things are destined to happen, I would not have taken that much tension. I will share that story with you soon. Its interesting and worth knowing. 

तूर्तास तुमची रजा घेतो.. ... मार्गदर्शना साठी ९८९०७८७५०२ ह्या क्रमांकावर संपर्क करू शकता..

आपला, 

नाना म्हणा हवतर! :)


#Short_story, #marathi_katha, #katha, #story, #from_amod, #amod, #nanavare, #amodnanavare, #marathi-katha, #marathi, #Maay-marathi, #Maaymarthi, #mangya, #breakup, #love, #mangyache_break_up, #short_stories, #marathi, #short_Stories,#Dustbin, #Kachara_Kundi, #India, #Short_Story_Dustbin, #KP_AStrology, Krishnamurthi_Paddhati, #KP, #Home, #Property, #Bhavishya, #Astro_Amod_Nanavare, #Desired_Property, ##My_Home, #Indian_Astrlogy, #Indian_Astro, #Astroloty_India, #Will_get_that_property?

KP Astrology : When the electricity will resume? कृष्णमुर्ती पद्धती : लाईट कधी येईल?

         आज वीक ऑफ होता. छान सलमान आणि गोविंदाचा पार्टनर एन्जोय करीत होतो टीवीवर. मस्त पावसाळी दिवस. रिप रिप पाउस पडतोय. निवांत घरी टीव्हीवर आवडता सिनेमा पाहावा. घोटभर गरम गरम वेज सुप घ्यावे माज्जानी लाईफ. पण कसले काय, आपल्या वीज मंडळाचा कारभार म्हणा कि गेल्या जन्मी मी केलेली पापकर्म - लाईट गेली. जळले मेले लक्षण ह्यांचे,आग लागली ह्यांच्या मढ्याला.... सौ. नि आपल्या सात्विक संतापला वाट करून दिली. मी आपला जवळच पडलेला पेपर उचलला आणि उगाचच शिळ्या बातम्या वाचत बसलो, तेवढ्यात कन्यारत्न वैतागत माझ्याजवळ आले. "पप्पा लाईट कधी येणार?सांगाना!" मी म्हणालो, "येतील ग." "काय एवढ त्यात." पण तिचा आग्रहच... मग म्हटले चला बघुयाच. पंचांग पाहिले आणि म्हणालो ५-६ मिनिटात येतील लाईट. काय बात है| संध्याकाळी ७:४९ ला गेलेली लाईट ७:५४ ला आली. पण लिंक तुटल्या मुळे सिनेमा पहावासा वाटलाच नाही. 

सौ. नि आणि कन्यारत्नाने तिचा आवडता सिनेमा एंजॉय केला. कारण काय विचारता! सिनेमा सलमानचा म्हटल्यावर प्रश्न नाही विचारायचे राव, निमूट रिमोट सौं. च्या ताब्यात द्यायचा. 

तर ह्या प्रश्नाचे उत्तर देण्यासाठी मी रुलिंग प्लॅनेटचा वापर करायचा ठरवले.

तारीख : ०९ / ०७ / २०१६. ठिकाण : वसई.

रुलिंग प्लॅनेट खालील प्रमाणे

लग्न : मकर  स्वामी शनी - सुरु - १९:४२
नक्षत्र : पु. फाल्गुनी - स्वामी रवी
चंद्र राशी : सिंह - स्वामी रवी
वार : शनिवार - स्वामी शनी.

एखादी घटना काही मिनिटात किंवा तासात घडणे अपेक्षित असल्यास लग्न विचारात घावे म्हणून मी पाहिले मकर राशीत उत्तराषाढा (रवी) श्रवण (चंद्र) आणि धनिष्ठा (मंगळ) हि नक्षत्र आहेत.
वरीलपैकी चंद्र आणि मंगळ रुलिंग मध्ये नाहीत, रवी आहे ,म्हणून मी असा निष्कर्ष काढला कि रवीच्या नक्षत्रात आणि शनीच्या सब मध्ये लाईट येतील.

केपी क्र. १९१ : रवीच्या नक्षत्रात शनीच्या सबची  व्याप्ती आहे ३:२०:३ सोयीसाठी मी ३ अंश घेतले.
लग्न एक अंश पुढे जाण्यास साधारण ४ मिनिटे लागतात. म्हणजे ३*४ = १२ मिनिटे. मकर लग्न १९:४२ ला सुरु झाले होते म्हणून ४२ + १२ = ५४ - १९:४९ ला गेलेली लाईट १९:५४ ला आली. म्हणजे ५ मिनिटात !!!

कन्यारत्न अवाक! मी उगीचच माझी नसलेली कॉलर टाईट केली.

प्रिय वाचकांनो!
तुम्हालाही तुमच्या प्रश्नांची उत्तरे ज्योतिष शास्त्राच्या माध्यमातून हवी असल्यास भेटीसाठी किंवा On line मार्गदर्शनासाठी कृपया पुढील क्रमांकावर संपर्क साधा. - (सकाळी 10 ते संध्याकाळी 6 ह्या वेळेत )- 9890787502.

धन्यवाद ..
आपला,
आमोद ननावरे.










#Short_story, #marathi_katha, #katha, #story, #from_amod, #amod, #nanavare, #amodnanavare, #marathi-katha, #marathi, #Maay-marathi, #Maaymarthi, #mangya, #breakup, #love, #mangyache_break_up, #short_stories, #marathi, #short_Stories,#Dustbin, #Kachara_Kundi, #India, #Short_Story_Dustbin, #KP_Astrology, Krishnamurthi_Paddhati, #KP, #Home, #Property, #Bhavishya, #Astro_Amod_Nanavare, #Desired_Property, ##My_Home, #Indian_Astrlogy, #Indian_Astro, #Astroloty_India, #Will_get_that_property?, #When_will_the_Light_resume, #Electricity, #lait_kadhi_yeil?,