ज्योतिष: कुंडलीतला शुक्र

कुंडलीतला शुक्र.

एखाद्याचं आयुष्य अतिशय कंटाळवाण, निरस असतं. रंगहीन, दिशाहीन..... आळसावलेल.... कशातच मन रमत नाही. नैराश्य, काळजी, चिंता, उन्माद... बिघडलेले नातेसंबंध, हात लाऊ तिथे माती, पैशाचा अभाव, असला तर टिकत नाही, ढोर मेहनत करून सुद्धा हाती काहीच लागत नाही. आर्थिक, वैचारिक दारिद्र्य, व्यसनिपणा, एकलकोंडेपणा, अनेक प्रकारच्या समस्यांनी ग्रस्त. लाईफ मे चार्म नही, स्पाईस नही, अस्वच्छता, नखे वाढलेली, दाढी वाढलेली, मळलेले कपडे, अंघोळ करावीशी न वाटणे, लोकांशी दुर्वर्तन करणे, कोणात मिसळणे नाही, घरात सर्वत्र पसारा, गरजेच्या वस्तू जागेवर नाहीत, पत्नीशी बिघडलेले संबंध, अनैसर्गिक किंवा अति प्रमाणात असलेले लैंगिक संबंध, विवाहबाह्य संबंध, आक्षेपार्ह किंवा अनपेक्षित लैंगिक वर्तन किंवा सवयी, लैंगिक आजार, रसिकतेचा अभाव, अति प्रमाणात कामुकता, अशी व्यक्ती मित्र म्हणून, पती किंवा पत्नी म्हणून आपल्या आयुष्यात असेल तर निश्चितच ते आपल्याला त्रासदायक ठरते. उपासना, भक्ती, सद्गुणांचा अभाव, महत्वाकांक्षेचा अभाव, बस आला दिवस ढकलायचा........ असे काही असेल तर समजा आपल्या कुंडलीत शुक्र बिघडला आहे. भारतीय ज्योतिष शास्त्रात शुक्र या ग्रहाला अनन्य साधारण महत्व आहे. प्रत्यक ग्रह हा काही ठराविक गोष्टींचा कारक असतो. काही गोष्टी या त्या त्या ग्रहाच्या अधिपत्याखाली येतात. तसा प्रामुख्याने स्त्रीत्वाचा, तारुण्याचा, वैवाहिक सुखाचा व प्रणयाचा कारक शुक्र आहे. शरीरात भले आपल्या ताकत आहे, जोम आहे जी गोष्ट मंगळाच्या अधिपत्याखाली येते. आपण जरी बुद्धिमान असलो जी गोष्ट बुधाच्या अधिपत्याखाली येते पण जर शुक्राची साथ असेल तर त्या ताकतीचा उपयोग आपण चांगल्या गोष्टीसाठी करतो. बुद्धीचा उपयोग आपण चांगल्या गोष्टीसाठी करतो. एखादी गोष्टीचा अभाव असणे किंवा अतिप्रमाणात असणे याचा अर्थ त्या गोष्टीचा कारक ग्रह कुंडलीत बिघडला असा घेता येतो. प्रेम, विवाह, भोगविलास, समृद्धी, वाहन सुख, संगीत, नृत्य, कला, अभिनय, सुंदर वस्त्र, प्रसिद्धी, पैसा, इंद्रिय सुख, प्रतिभा, चित्रकला, मूर्तीकला, उत्तम आरोग्य, नितळ त्वचा, सर्व गोष्टींचा समरसतेने आनंद आणि उपभोग घेण्याची इच्छा व क्षमता या गोष्टींचा कारक शुक्र हे. शुक्र मोहक आहे. शुक्र मादक आहे. आकर्षक आहे. ऐहिक सुखाचा कारक आहे. सर्व सुखसोयींनी युक्त, अलिशान घर, सुंदर पत्नी, स्टायलिश वस्त्र, वाहन हे शुक्राच्या अधिपत्याखाली येतात. जे जे म्हणून इंद्रियांना – डोळ्यांना, कानांना, त्वचेला, जिभेला, नाकाला सुख देणारे आहे ते सर्व अगदी सर्व शुक्राच्या काराकात्वाखाली येते. नाटक, चित्रपट, प्रेक्षणीय स्थळे, उद्याने, वाद्ये, अत्तर, उदबत्ती, धूप, सुगंधी वनस्पती, मद्य, तंबाखू, सिगारेट सर्व शुक्र. प्रत्येक गोष्टीत जर तुम्ही सौंदर्य शोधत असाल, प्रत्येक गोष्ट करताना तुमच्याकडे सौदर्य दृष्टी असेल तर तुमचा शुक्र बलवान आहे असे समजा. जर तुम्ही कलासक्त असाल, तुमच्या वृत्ती सदा आनंदित असतील, तुम्ही दयाळू समंजस असाल तर शुक्र शुभ आहे असे समजा. या शुक्राला ज्योतिष शाश्त्राच्या माध्यमातून अजून समजून घेऊया. शरीराचे म्हणाल तर डोळे, नाक, हनुवटी, घसा, गळा, स्वरयंत्र, गुप्तांग, वीर्य, बीजांड, मूत्रपिंड, मूत्राशय, गर्भाशय इ भाग शुक्राच्या अधिपत्याखाली येतात. वृषभ आणि तुला या शुक्राच्या राशी आहेत. भरणी, पूर्वाफाल्गुनी व पूर्वाषाढा हि शुक्राची नक्षत्र आहेत. मीन हि शुक्राची उच्च राशी आहे तर कन्या हि नीच राशी आहे. बुध आणि शनी हे शुक्राचे मित्र ग्रह आहेत. सूर्य आणि चंद्र हे शुक्राचे शत्रू ग्रह आहेत. व गुरु तटस्थ मनाला जातो. कुंडलीत राहू, केतू, मंगळ या सारख्या पाप ग्रहांच्या युतीत, प्रतियोगात, पापकर्तरी योगात, दृष्टीत, राशीत, नक्षत्रात असता, अशुभ नवमांशी असता शुक्र दुषित होतो. त्यामुळे शुक्राच्या कारक फळात न्यून निर्माण होते. अशा या शुक्राच्या अशुभ परिणामांमुळे पिडीत असाल तर आपल्याला आपल्या मानसिकतेत बदल करणे अत्यंत आवश्यक आहे. सर्व प्रथम आळस झटकून कामाला लागावे लागेल. तुकाराम महाराजांनी म्हटले आहे. मन करा रे प्रसन्न, सर्व सिद्धीचे कारण. जसे आपले एखाद्या व्यक्ती कडे काम असेल तर आपण त्या व्यक्तीकडे जातो. पण त्याआधी आपण असा विचार जरूर करतो कि त्या व्यक्तीने आपले काम करावे. त्यासाठी आपण प्रयत्न करतो. एखादा प्रियकर आपल्या प्रेयसीला भेटायला जाताना काय करेल? स्वच्छ स्नान करेल, तिला आवडतील अशा रंगाचे कपडे परिधान करेल, छानसे अत्तर लावेल. दाढी केलेई असेल, नखे कापलेली असतील, तिला आवडतील म्हणून छान फुलांचा गुच्छ  घेऊन जाईल... शुक्र. तर या शुक्राला अनुकूल करायचे असेल तर सर्वप्रथम स्वतः आणि आपल्या अवतीभवती स्वच्छता राखा. सुंदर, नीटनेटके, स्वच्छ कपडे परिधान करा. आवडीचे अत्तर लावा. खासकरून कानाच्या पाळीच्या पाठी. स्वतःचे घर सुशोभित करा. आपल्या वागण्यात साधेपणा, सौजन्य, दिलदारपणा, आदर, प्रेम, स्नेह, मार्दव, आर्जव इ गुण कसे येतील त्याकडे लक्ष द्या. आपली प्रत्येक कृती सर्वोत्कृष्ट कशी होईल यासाठी आग्रही राहा. स्त्रियांचा आदर व सन्मान करा. आळशी व्यक्तींपासून दूर राहा. कुंडलीतील अशुभ शुक्रासाठी जमल्यास रोज गायीस चारा घाला. गायीची जमेल तशी सेवा करा. तज्ञ ज्योतिष सल्ल्यानुसार हिरा हे रत्न किंवा ६ मुखी रुद्राक्ष धारण करता येते. आपल्या डेस्कवर कुठलीही शुभ्र रंगाची सुगंधित फुलं कायम असुद्या. देवी उपासना करा. हे करून पहा .. माहोल बदल जायेगा.

आपला (रंगीत)

ज्योतिषी आमोद ननावरे.