ज्योतिष लेख : मला बाळ होईल का? भाग २

नमस्कार वाचकहो,

भाग १ मध्ये आपण पती पत्नी पैकी पत्नीच्या कुंडलीचे विश्लेषण केले. आता आपण पतीच्या कुंडलीचे विश्लेषण करूया. महिलांप्रमाणेच पुरुषांना सुद्धा आपण बाबा व्हाव अस वाटत. साहजिकच आहे, कोणीतरी बाबा म्हणून हाक मारावी, हट्ट करावा अशी इच्छा होण स्वाभाविकच आहे. आपल्या नशिबात संतती योग आहे का? असल्यास कधी? संतती कशी असेल? इ अनेक प्रश्न मनात येतात. चला तर जाणून घेऊया ....

नवमांश कुंडली                                                             

लग्न कुंडली

वरील जन्म लग्न कुंडलीत पंचम स्थानात तरी कुठलाही ग्रह नाही. पंचमेश बुध लाभ स्थानात म्हणजे पंचमेशाची पंचम स्थानावर दृष्टी. लाभ स्थानातील मंगळ व रवीची हि दृष्टी पंचम स्थानावर आहे.  पंचेमेश बुध धनु राशीत मूळ नक्षत्रात वृषभ नवांशात आहे.  बाल अवस्थेतला हा बुध शुभ परिणामांच्या दृष्टीने कुचकामी ठरतो.  म्हणजे पंचमेश बलहीन. संतती कारक गुरु षष्ठ स्थानात कर्क राशीत तुला नवांशात वक्री आहे. वृद्धावस्थेमुळे शुभ फळ देण्यात निरापयोगी म्हणजे गुरुबळ नसलेली कुंडली, ज्या कुंडलीत गुरुबळ नाही अशी कुंडली पराक्रम, शिक्षण. विवाह, संतती, करिअर, व्यवसाय, कामधंदा, घरदार, अशा  सर्व बाबतीत अपयश देते. त्यामुळे या व्यक्तीचे मनासारखे शिक्षण झाले नाही.  मनासारखी नोकरी किंवा व्यवसाय नाही. विवाह अत्यंत उशिरा झाला. चाळीशी उलटली तरी अजून संतती नाही. पुरुषांच्या बाबतीत शुक्र जंतूंचा कारक शुक्र या कुंडलीत दशम स्थानात वृश्चिक राशीत सिंह नवांशात आहे. हा शुक्र वृद्ध अवस्थेत बलहीन आहे. हा एक अत्यंत अशुभ योग होतो. म्हणजे शुक्र बळ नाही. या व्यक्तीने दत्तोपासना केल्यास लाभदायक ठरेल. म्हणजे संतती प्राप्तीच्या दृष्टीने अत्यंत प्रतिकूल ग्रहमान. कृष्णमुर्ती पद्धतीप्रमाणे पाहिल्यास पंचमाचा उपनक्षत्रस्वामी रवी हा लाभ स्थानाबरोबरच चतुर्थ स्थानाचा कार्येश देखील होत आहे. चतुर्थ म्हणजे पंचामाचे व्यय स्थान म्हणजे अडथळाच. रवी शुक्राच्या नक्षत्रात. शुक्र सुद्धा चातुर्थाचा कार्येश. संतती साठी आवश्यक २, ५  या स्थानांचा कार्येश नाही. रवीचा उपनक्षत्रस्वामी शनी देखील २,५ किंवा ११ चा कार्येश नसून ४ चा कार्येश होतो. शनी शुक्राच्या नक्षत्रात, शुक्र देखील २,५ किंवा ११ चा कार्येश नाही. म्हणजे संततीसाठी ग्रहमान अत्यंत प्रतिकूल. काय करणार आलीय भोगासी असावे सादर. 

पती पत्नी पैकी एकाच्या जरी कुंडलीत संततीचा प्रबळ योग असता तर काहीतरी आशा होती. अशा जोडप्याने सरळ मुल दत्तक घ्याव. तेच काल सुसंगत व उचित ठरेल. तुम्हाला काय वाटत?