तसा हा प्रसंग अत्यंत दुर्दैवी. वैरयावरही असा प्रसंग येऊ नये, पण अटळ प्रारब्धाचे भोगच असे विचित्र असतील तर आपण पामर काय करणार. सदर कुंडलीचे विश्लेषण करायचे झालेच तर याला मी प्लूटो नेपच्यून इफेक्ट म्हणेन. जन्म लग्न कुंडलीत सप्तम स्थानात चंद्र नेपच्यून युती. चंद्र १ अंश तोही वृश्चिकेचा, नेपच्यून हि वृश्चिकेचा जल राशीत. अतिशय संवेदनाक्षम मन असणार. त्यात वैवाहिक सुखाचा कारक शुक्र धनात मंगळाच्या युतीत. कुंडलीत कुठेही शुक्र मंगल युती हि वैवाहिक सुखात बाधा आणते. सप्तमाचा व्ययात तूळेचा हर्षल. पंचमात प्लुटो राहू म्हणजे संतती सुखही बिघडले. एकूणच वैवाहिक सुखाच्या बाबतीत स्फोटक स्थिती आणि झालेही तसेच. सदर जातकाच्या पहिल्या पत्नीने आत्महत्या केली. नवोदितांना अभ्यासासाठी अत्यंत उपयुक्त म्हणून निव्वळ या हेतुकरिता या कुंडलीचे विश्लेषण प्रकाशित करण्याचे धाडस करतोय. नवमांश कुंडलीत सप्तमात मंगल तोही तुळेचा म्हणजे शुक्राच्या राशीत. सप्तमेश शुक्र पराक्रमात प्लूटोच्या युतीत, म्हणजे वैवाहिक सुख किती कमालीचे बिघडले आहे ते दिसूनच येते. पुन्हा सप्तमेश शुक्रावर नेपच्यूनची दृष्टी. कृष्णमुर्ती पद्धतीप्रमाणे सप्तम स्थानाचा उपनक्षत्र स्वामी मंगळ असून १,७ व १२ स्थानांचा कार्येश होतो. मंगल स्वतःच्याच नक्षत्रात त्याचा उपनक्षत्र स्वामी बुध आहे. तो ४,२,५ स्थानाचा कार्येश होतो. बुध रवीच्या नक्षत्रात असून रवी लाभ व चतुर्थ स्थानाचा कार्येश होतो. १, ४ व १२ हि विवाहास विरोधी स्थान आहेत. जाणकारांनी सदर लेखावर आणखी आपले मत व्यक्त करावे हि विनंती. गुप्ततेच्या कारणास्तव नाव, जन्मवेळ, ठिकाण इ तपशील दिलेले नाहीत याची नोंद घ्यावी.
काय करणार, आलिया भोगासी | असावे सदर ||
No comments:
Post a Comment