ज्योतिष: झाली संसाराची दुर्दशा, पुढे तरी आहे का आशा?

नशिबाने तरी कशी थट्टा मांडावी! लग्नानंतर १२ वर्ष झाली तरी संतती नाही. संततीच्या इच्छेपायी विवाहबाह्य संबंधांकडे झालेला मनाचा कल, त्यातून झालेली फसगत पुन्हा त्यामुळे झालेला घटस्फोट हे थोडं म्हणून कि काय नोकरीच्या ठिकाणी आलेला चोरीचा आळ व त्यातून नोकरीवरून कमी केले जाणे. मधूनच झालेली मणक्याची दुखापत आणि सर्जरी. जातकाने विचारले आयुष्यात काही तरी राम आहे का? 

जन्मलग्न कुंडलीत मुळातच व्यय स्थानी शुक्र मंगळ व रवी युती, म्हणजे वैवाहिक सुखाचा कारक तसेच स्त्री सुखाचा कारक शुक्र बिघडला. वैवाहिक जोडीदार व विवाहाचे कारक सप्तम स्थान. सप्तमेश गुरु पराक्रमात प्लूटो बरोबर म्हणजे प्लूटो इफेक्ट. सप्तमेश बिघडला. त्यातून पुन्हा सप्तमाचा व्ययात वृश्चिकेचा चंद्र नेपच्यून, वैवाहिक सुखात बाधा.  संतती चा कारक (शुक्राणूंचा कारक) हि शुक्रच , पंचमेशही शुक्रच, शुक्र कसा बिघडला ते आपण पहिलेच,म्हणजे संतती सुखाचा बट्ट्याबोळ. दशम स्थानात शनी - राहू युती म्हणजे दशम स्थान बिघडले नोकरीत आलेला चोरीचा आळ हे त्याचेच फलित, शिवाय दशमेश गुरु प्लूटो बरोबर पराक्रमात म्हणजे याचीही त्या फलिताला जोड.  आता आपण कृष्णमूर्ती पद्धती कडे वळूया. लग्न स्थानाचा सब बुद्ध वक्री असून तो राहूच्या नक्षत्रात व राहूंच्याच उपनक्षत्रात त्याचा उप उप नक्षत्रस्वामी शुक्र उपनक्षत्र स्वामी म्हणून गृहीत धरला. बुद्ध - १०, १, २, ५  तर राहू १,१०,२,५,११,७,८,३ या स्थानांचा कार्येश होतो. शुक्र ६,१२, ३ या स्थानांचा कार्येश होतो. परिणाम म्हणजे मार्च -२०१४ या काळात नोकरीवरून कमी केले गेले. त्यावेळी शुक्र महादशा वक्री बुद्धाची अंतर्दशा आणि राहूची विदशा चालू होती. १,५,९,१२,८ हि स्थानं नोकरीला विरोधी स्थानं झाली. महादशा, अंतर्दशा आणो विदशा स्वामी हे या स्थानांचे बलवान कार्येश होतात. सप्तमाचा सब शुक्र हा ६ (सप्तमाचा व्यय), १२ व ३ या विवाह विरोधी स्थानांचा बलवान कार्येश होतोय. शुक्र चंद्राच्या नक्षत्रात आणि चंद्र देखील ६,९,१०,३ या विवाह विरोधी भावांचा कार्येश होतोय. शुक्राचा उपनक्षत्र स्वामी रवी हा देखील १२, ४ या स्थानच कार्येश होतोय म्हणजे रविचीही आशा नाही. रवीचा नक्षत्रस्वामी मंगळ ६,१२ या थानांचा कार्येश होतोय म्हणजे या व्यक्तीला आयुष्यात स्त्रीसुख नाही. वैवाहिक सुख नाही आणि तृतीय स्थान लागल्यामुळे घटस्फोट नेमका शुक्र महादशेत व वक्री बुद्धाच्या अंतर्दशेत व मंगळाच्या विदशेत चंद्र सूक्ष्म दशेत झाला. जातकाने प्रश्न केलाय, दुसऱ्या विवाहाचे योग आहेत का? दुसरा विवाह होईल का हे द्वितीय स्थानावरून पाहतात (सप्तमाचे अष्टम) द्वितीय स्थानाचा सब केतू हा ६,४,३,५,१,२ या स्थानांचा कार्येश होतोय. केतू चंद्राच्या नक्षत्रात असून चंद्र ११,६,९,१०,३ स्थानांचा कार्येश होतोय. केतूचा उपनक्षत्रस्वामी शुक्र ६,१२,३ म्हणजे चौथ्या पायरीला २,७,११ पैकी एकही स्थानाचा कार्येश होत नाही. म्हणजे दुसरा विवाह होणार नाही. दशा स्वामी रवी देखील सपोर्ट करत नाही. हि व्यक्ती म्हणाली कि सध्या एक महिला त्यांना अप्रोच होतेय. मग लिव्ह इन शिवाय आपल्याकडे काय पर्याय उरतो का! 

थोडक्यात असे कि आपल्या नशिबातच नाही हे स्वीकारणे गरजेचे तरच आयुष्यातला राम शोधता येईल. शेवटी आयुष्य म्हणजे फक्त विवाह? स्त्री? nothing other than that? 

जातक : पुरुष 

जन्म दिनांक : १०/०६/१९६८ 

जन्म वेळ : सकाळी ०६:३० मी. 

जन्म स्थळ : वेंगुर्ला (जिल्हा सिंधुदुर्ग)

ज्योतिषी श्री. आमोद विष्णू ननावरे, वसई. 

सशुल्क ज्योतिष मार्गदर्शन - पारंपरिक व केपी.

संपर्क: ७७०९५९४९०२, ९८९०७८७५०२